Quero votar, pero estarei temporalmente no estranxeiro para as próximas eleccións

A solicitude

Os electores ou electoras que se atopen temporalmente no estranxeiro entre a convocatoria dun proceso e a súa celebración e desexen exercer o seu dereito de sufraxio poden facelo seguindo un procedemento específico.

Encha o impreso de solicitude, que atopará no consulado xeral ou a embaixada, o ben no apartado “INFORMACIÓN XERAL” desta mesma páxina web.

O impreso debe presentarse persoalmente no consulado ou embaixada.

Para poder formular a solicitude deberá estar inscrito/a no rexistro de matrícula consular como non residente.

Ambos os trámites (solicitude e inscrición) poden realizarse no mesmo acto.

O procedemento

A oficina do censo electoral enviaralle:

• Unha folla informativa.

• Papeletas de votación para todas as candidaturas e o sobre de votación.

• Certificado de inscrición no censo electoral.

• Un sobre dirixido á mesa electoral correspondente.

• Impreso para a devolución dos gastos do envío do voto por correo.

Debe introducir no sobre dirixido á mesa electoral:

• O sobre de votación coa súa opción de voto.

• O certificado de inscrición no censo.

• Se así o desexa, o impreso cuberto para a devolución dos gastos de envío.

Remita o sobre por correo certificado, pode facelo ata o 5 de xuño.

Será indispensable para a validez destes votos que conste claramente no sobre un cuño ou outra inscrición oficial dunha Oficina de Correos do Estado que certifique de modo indubidable o cumprimento dos prazos previstos.

Máis información na Embaixada ou Consulado e en: https://www.exteriores.gob.es(Abrirase unha nova xanela) y https://www.ine.es(Abrirase unha nova xanela)