Transferencia dos importes das subvencións por gastos electorais

*IMPORTANTE: Para que o Ministerio do Interior poida tramitar as subvencións por gastos electorais é imprescindible que se comunique á Xunta Electoral competente, ou no seu momento ao Tribunal de Contas, para que estes o poñan en coñecemento da Dirección Xeral de Política Interior, o seguinte:

  1. Denominación da entidade política, indicando se é partido, federación, coalición ou agrupación de electores, así como o CIF da candidatura en cuestión.

  2. Provincia na que obtiveron resultados electorais ou onde se atopa a sede central.

  3. Datos identificativos do Administrador (Nome, Apelidos, Enderezo, Localidade e Provincia), autorizando o consentimento de verificar os seus datos persoais a través do Sistema de Verificación de Datos de Identidade ou fotocopia do seu DNI.

  4. Modelo de designación de conta bancaria e comunicación da baixa de datos bancarios do Ministerio de Economía, Comercio e Empresa correctamente cuberto, asinado polo Administrador e selado pola entidade bancaria.

O titular das contas de gastos electorais deberán ser as formacións políticas, así como se lembra que deberán ser designadas de maneira telemática no Tesouro.

Esta información pódese remitir directamente á Dirección Xeral de Política Interior, sempre que se lle comunicara anteriormente aos órganos anteriormente mencionados.

Documentación para presentar á Dirección Xeral de Política Interior:

  • Escrito de designación de Administrador para as Eleccións ao Parlamento Europeo do 9 de xuño de 2024, selado pola Xunta Electoral correspondente.

  • Datos identificativos da candidatura, indicando se se trata dun partido, unha federación, unha coalición ou unha agrupación, así como da denominación e siglas da candidatura e enderezo de correo electrónico de contacto.

  • No caso de tratarse dunha coalición, é imprescindible achegar os pactos de coalición no seu modelo oficial selados pola Xunta Electoral correspondente.

  • Tarxeta CIF da candidatura presentada.

  • Datos identificativos do Administrador, nome, NIF e enderezo de correo electrónico en vigor.

  • Certificado acreditativo de que a formación está ao día no cumprimento das súas obrigas tributarias e coa Seguridade Social.

  • Estes certificados deberán facer referencia expresa ao artigo 13.2.e) da Lei 38/2003, do 17 de novembro, Xeral de Subvencións.

  • Impreso de designación de conta bancaria correctamente cuberto, asinado polo Administrador e selado pola entidade bancaria.

Requisitos de presentación de documentación:

Consonte o disposto no artigo 14.2.a) da Lei 39/2015, do 1 de outubro, do Procedemento Administrativo Común das Administracións Públicas, as persoas xurídicas están obrigadas a comunicarse coa Administración Pública a través de medios electrónicos.

En virtude do anterior, as comunicacións e notificacións serán realizadas por vía electrónica, e postas a disposición das formacións no Enderezo Electrónico Habilitado único e en Sede Electrónica.

Como consecuencia do anterior, é imprescindible que as formacións dispoñan dun certificado electrónico asociado ao CIF da formación e que, cando desexaren remitir as comunicacións a outras persoas que ostenten a representación da formación adecuada, acheguen un escrito asinado polo Administrador no que se identifique a denominación da persoa en cuestión, o seu NIF e un enderezo de correo electrónico.

A documentación necesaria para poder acceder ao aboamento das subvencións para gastos electorais deberá será achegada a través do Rexistro Electrónico á Subdirección Xeral de Política Interior e Procesos Electorais (Código DIR3 E03112802).