Comunicación telemática coa Administración

O artigo 14.2. da Lei 39/2015, do 1 de outubro, sobre Procedemento Administrativo Común das Administracións Públicas, dispón que están obrigados a relacionarse por medios electrónicos coas Administracións Públicas para realizar calquera trámite dun procedemento administrativo, entre outros os seguintes suxeitos:

• As persoas xurídicas (partidos políticos e federacións de partidos).

• As entidades sen personalidade xurídica (coalicións e agrupacións de electores)

• Quen represente a un interesado que estea obrigado a relacionarse por medios electrónicos coa Administración (Administradores de formacións políticas).

É por iso que deben ter un certificado electrónico da formación política, ou cando for necesario obtelo, para se poder comunicar por medios electrónicos coas Administracións Públicas. Pode consultar a forma de obter un certificado a través da seguinte páxina web: https://www.sede.fnmt.gob.es(Abrirase unha nova xanela)

As comunicacións remitidas pola Dirección Xeral de Política Interior realizaranse por vía telemática, por medio do Cartafol Cidadán, polo que non se enviarán comunicacións en papel. O Cartafol Cidadán é un portal web que, de forma sinxela e sen ter que se rexistrar, lle permite coñecer asuntos do seu interese relacionados coas Administracións Públicas; por exemplo, o estado dos seus expedientes ou as notificacións e comunicacións que reciba. Pode acceder a este na seguinte ligazón: https://sede.administracion.gob.es/carpeta/clave.htm(Abrirase unha nova xanela)

Ademais, deben remitir a esta Dirección Xeral de Política Interior unha copia da Tarxeta de Identificación Fiscal desa formación, así como un correo electrónico de contacto ao que lle chegará información relativa ás notificacións. A devandita información, en base á obriga de remitir a documentación por medios telemáticos, terá que se presentar por Rexistro electrónico, facendo uso de calquera das dúas opcións:

• Rexistro Electrónico Común, accedendo ao seguinte enderezo: https://rec.redsara.es/registro/action/are/acceso.do(Abrirase unha nova xanela)

• Rexistro Electrónico do Ministerio do Interior, accedendo ao seguinte enderezo: https://sede.mir.gob.es/opencms/export/sites/default/es/(Abrirase unha nova xanela) procedimientos-y-servicios/formulario-de-proposito-general/index.html

En ambos os casos, é necesario dispoñer de certificado dixital para presentar a documentación.